هل تدري يانعسان ‏‏


هل تدري يانعسان أنا طرفي ساهر

جسمي اضمحل بغرامك وأنت زاهر



أنا حالي ظاهر
عاشق نبيل ياجميل ليك حبي طاهر
وشاعر مجيد بغناك فنان وماهر
بسحر دلالك... وكرم خصالك ... وعشان جمالك
اهوي القمر والنيل واهوي الازاهر



ليلى ونهاري أنا لي حيك بهاجر
اخذني نورك ياساحر المحاجر
لا أصفى لوم في هواك ما بخشي زاجر
مهما الاقي... من طول فراقي... وفرط اشتياقي
حافظ عهودك وحياة خدودك ياللي هاجر



حسنك بديع ياوديع في عصره نادر
حكّم صفاك مولاك ذو حكمة قادر
منشور هواك لي ضناي ياحبيبي صادر
ماكر شفاي واراك علي طبي قادر
أنا برضه آمل تعطف تجامل بي مس الأنامل
تشفي الجروح والروح
لي لقاي تبادر